Page 5 - KRISTIAN ZIRTIRTU Chher Chhuah Nan
P. 5
THUHMA
THUHMA
ETF (Evangelical Teachers’ Fellowship) hruaitute chuan
Kristian Zirtirtute tana tangkai tur, Bible thu-a innghat, mimala
chhiar tur emaw, ahuhova zir leh sawi ho tur emaw neih a tul leh
pawimawhzia hi an hria a, an rorelnaah te pawh an sawi chhuak thin
a; chu chu tunah hian, a bul tanna tur buatsaih theih a ni ta hi a law-
mawm hle. Hei hian ETF membarte chu ringtu an nihna an ni tin
nun leh an hnaah ataka hmang thei turin a tanpui ang a – sikul leh
college-ah te, an thawhpuite zingah te, an hotute mithmuhah te, an-
mahni inchhung khur leh an awmna vengah te leh ram pum huap
pawha Krista thuhretu rinawm ni turin a tanpui thei ang tih a beisei-
awm hle a ni.
He rilru leh hmathlir zaizuia hmalakna atan heng a hnuaia
thupui 12 (sawm leh pahnihte) hi thlan a ni a; ziaktu atan pawh In-
dia rama ETF lama lo inhmanga hruaitu lo ni tawhte leh ram danga
chutianga Pathianin a lo hman tawhte kan han thlang chhuak a ni.
Thupui thlan chhuahte chu heng hi a ni :
1. Kristian Zirtirtu Rinna
2. Kristian Zirtirtu Nunphung
3. Kristian Zirtirtu Hnathawh
4. Kristian Zirtirtu Enchhuahna
5. Kristian Zirtirtu leh Zirlaite
6. Kristian Zirtirtu leh Thawhpuite
7. Kristian Zirtirtu leh Hotute
8. Kristian Zirtirtu leh Chhungkua
9. Kristian Zirtirtu leh Kohhran
10. Kristian Zirtirtu leh Mission
11. Kristian Zirtirtu leh Khawtlang
12. Kristian Zirtirtu leh Ram