Page 10 - KRISTIAN ZIRTIRTU Chher Chhuah Nan

Abrahama chuan a rinna takzia chu, a fapa hlan phal khawpa Path-
ian thu a awihnaah khan a tilang chiang em em tawh a ni (Heb :17-
20). Rom 4:18-25-ah chuan Abrahama ‘rinna chu a felnaa ruat a lo
ni tawh’ tih ziak a ni. Kan chhiar tak Jakoba 2:22-ah khan Abrahama
“rinna chuan a thiltih nen a thawk dun a; tin, thiltih avangin a rinna
chu a famkim ta” tih kan hmu bawk.

Rahabi, nawhchizuar chuan ‘Aigupta ram atan in lo chhuah
khan Lalpan Tuifinriat Sen kha a tihkangsak che u a, Jordan lui rala
Amor-ho lal pahnih, Sihona leh Oga-te in tihboral tak hlauh dan te
kan lo hria a’ tiin a rinna a lo puang a (Joshua 2:8-11); chu a rinna rah
‘enthlatute chu tlang taka a lawm avangin awih lo ho zingah chuan a
boral et a lo’ a ni (Heb 11;31), tih kan hmu bawk.

TIH TUR/SAWIHO TUR/NGAIHTUAH TUR

1. Bial/circle 3 (pathum) a hrang theuhvin ziak la. A hmasa
ber chu ‘Krista’ ti la; a pahnihna chu ‘Keimah’ ti la; a pathumna
chu ‘Mi dang’ ti la. Kan zirlai atang khian heng bial pathumte
hi engtia rem tur nge ni-a i hriat? Heng bial 3 inrem dan hian
eng nge a entir?

2. A. W. Tozer-a lehkhabu “The Divine Conquest” = “Path-
ian Hnehna” bung 2-naah chuan ‘rinna awmzia leh a nihna tak
hi tu mah hian kan man fuh lo tlang vek a ni ber mai’ tiin a ziak
a – ‘abikin, nun dan dik leh duhawm, a par chhuahtir dan hi’
a ti a. Chu kan man fuh loh lai taka chu ‘class room-ah, staff
room-ah, Headmaster/Principal room-ah leh i chet velna api-
angah eng tin nge i lan chhuahtir ang le?

3. Tirhkoh Paula’n Rom leh Ephesi lehkhathawna ‘thiltih’
a tih leh Jakoba’n a lehkhathawna ‘thiltih ‘ a tih hi a thuhmun
nge a danglam? Eng nge a danglamna? Nang tu nge i rin? Eng
vangin nge i rin? Han sawi fiah teh.

4. Zirtirtu hna hi thalaite nun chherna hmanrua niin i hria
10 KRISTIAN ZIRTIRTU